کراچی کی دعا نے والدین کو دیا اہم پیغام۔
کراچی (اعتماد ٹی وی) کراچی گھر سے بھاگ کر لاہور میں نکاح کرنے والی دعا زہرہ سے متعلق تمام تر باتیں میڈیا پر واضح کر دی گئی ہیں۔ چند روز قبل دعا کی والدین سے ملاقات کروائی گئی جس کے بعد دعا کی والدہ نے کہا کہ دعا نے ہم سے کہا ہے کہ میں گھر آنا چاہتی ہوں ۔
اس بات کے بعد آج دعا نے اپنے والدین کے نام پیغام جاری کیا ہے۔ دعا نے ظہیر احمد سے لاہور شادی کے تمام تر حالات و واقعات کے متعلق نجی یوٹیوب چینل پر انٹرویو دیا ہے ۔
اور اپنے والدین سے درخواست کی ہے کہ خدارا مجھے معاف کر دیں مجھ سے غلطی ہوئی ہے لیکن اب دل بڑا کر کے ہم دونو ں کو قبول کر لیں۔
دعا نے کہا کہ میرے والدین نے ڈاکیو منٹس میں میری عمر کم لکھوائی ہے۔ میری جو عمر میڈیکل ٹیسٹ میں آئی ہے وہ بالکل ٹھیک ہے میں نے اپنی والدہ سے ملاقات کے دوران بالکل بھی گھر آنے کی بات نہیں کی بلکہ میری والدہ نے مجھے کہا کہ آپ جج سے کہو کہ میں گھر جانا چاہتی ہوں۔
میں نے ظہیر سے نکاح اسلامی طریقے سے کیا ہے اور میری والدین سے درخواست ہے میری غلطی کو معاف کردیں اور مجھے ہنسی خوشی میرے شوہر کے ساتھ قبول کریں ۔ میں اپنے شوہر اور سسرال میں بہت خوش ہوں۔ سب میرا بہت خیال رکھتے ہیں۔
