ہمسایہ ملک کی پرواز کو کراچی ائیر پورٹ پر لینڈ کروایا گیا۔
کراچی (اعتماد ٹی وی ) پاکستان کے ہمسایہ ملک بھارت کا ایک مسافر طیارہ اُڑان بھرنے کے بعد منزل پر نہ پہنچ سکا ۔ طیارے میں اُڑان بھرتے ہی فنی خرابی پیدا ہو گئی جس کی وجہ سے طیارے کو فوراً ہنگامی حالات میں کراچی ائیر پورٹ پر لینڈ کروایا گیا۔
ذرائع کے مطابق بھارتی فضائی کمپنی اسپائس کے جیٹ کابوئنگ 737 میں دوران پرواز فنی خرابی پیدا ہو گئی ۔ طیارے میں 150 سے زائد مسافر سوار تھے۔ طیارہ
دہلی ائیر پورٹ کی جانب رواں دواں تھا جب پائلٹ کو اندازہ ہوا کہ طیارے میں کوئی فنی خرابی ہو گئی ہے پائلٹ نے کراچی ائیر پورٹ کے کنٹرول ٹاور سے رابطہ کیا اور ہنگامی لینڈنگ کی اجازت طلب کی۔
پاکستان سول ایوی ایشن انتظامیہ نے انسانی ہمدردی کے تحت طیارے کو لینڈنگ کی اجازت دے دی اور لینڈنگ کے دوران بھی کسی ناخوشگوار واقعے کے پیش آنے سے متعلقہ تمام تر انتظامات مکمل کئے ۔ لیکن مسافروں کو پاکستان کی سرزمین پر اُترنے کی اجازت نہ دی۔
سول ایوی ایشن حکام کی جانب سے بتایا گیا کہ طیارے کا فیول ٹینک لیک ہو گیا تھا جس کی وجہ سے کپتان نے لینڈنگ کی اجازت طلب کی اور ہم نے انسانیت کے پیش نظر اس کو اجازت دی ۔
طیارے کی لینڈنگ کے بعد فیول ٹینک کی لیکیج کو چیک کیا جا رہا ہے۔ گزشتہ برس بھی بھارتی طیارے میں مسئلہ آنے کی وجہ سے کراچی میں ہنگامی لینڈنگ کرائی گئی تھی۔
