بھارتی مرغی 6 گھنٹوں میں24 انڈے دے کر مشہور ہو گئی ۔
آن لائن (اعتماد ٹی وی) بھارتی ریاست کیرالہ کے ایک گاؤں میں موجود پولٹری فارم سے متعلقہ افراد اس وقت حیران پریشان رہ گئے جب ان کو پتہ چلا کہ ایک مرغی نے 6 گھنٹوں کے دوران 24انڈے دیے ہیں۔
بھارتی مرغی میں 6 گھنٹوں میں اتنے انڈے دیئے کہ جان کر آپ کی آنکھیں بھی کھلی رہ جائینگی۔
پولٹری فارم پر موجود جانوروں کی دیکھ بھال کرنے والے افراد نے اس بات پر حیرانگی کا اظہار کیا ہے کہ ایسا ہونا کوئی معمولی بات نہیں ہے ۔ مرغی نے جب ایک مرتبہ انڈے دینا شروع کیے تو پھر یہ سلسلہ 6 گھنٹوں تک جاری رہا ۔
پولٹری فارم حکام کی جانب سے کہا گیا کہ اتنی رفتار سے کسی مرغی کے انڈے دینے کا یہ پہلا واقعہ ہے۔ 6 گھنٹوں میں 24 انڈے دے کر مرغی ایک اسٹار بن گئی ہے میڈیا کے ذریعے مرغی کے مالک نے بیان دیا ہے کہ مرغی صبح کے وقت لڑکھڑا رہی تھی تو اس کے پاؤں میں تیل لگایا اس کے بعد سے یہ سلسلہ شروع ہو گیا۔
اس سے قبل کرناٹک کی ایک مرغی نے کاجو کے شکل کا انڈا دیا تھا جس کی وجہ سے تمام تر مقامی میڈیا کی توجہ کر مرکز بن گئی تھی۔
