چھوٹی بچی کا مسکراہٹ والا چہرہ اس کو مشہور کر گیا ۔
لاہور (اعتماد ٹی وی) گزشتہ دن سے ایک تصویر سوشل میڈیا پر وائرل ہو رہی ہے جس میں ایک 5 یا 6 مہینوں کی بچی دکھائی گئی ہے جس کے چہرے پر پیدائشی طور پر مستقل مسکراہٹ کا نشان ہے۔ بچی گزشتہ برس دسمبر 2021 میں آسٹریلیا میں پیدا ہوئی۔
ڈاکٹر کے مطابق یہ ایک غیر معمولی بیماری ہے جس کی وجہ سے بچی اپنے ہونٹ ملانے قاصر ہے۔ بچی کا یہی چہر ہ اس کی مشہوری کا باعث بنا اور راتوں رات وہ ایک سٹار بن کر اُبھری۔ بچی جس کا نام آئلا ہے اس کے والدین نے میڈیا سے با ت چیت کرتے ہوئے بتایا کہ پیدائش کے وقت سے اس کے چہرے پر یہ نشان ہے۔
آئلا کے والدین نے کہا کہ جب انھوں نے پیدائش کے بعد بچی کو دیکھا تو چہرہ دیکھ کر حیران رہ گئے۔ بچی کی اس حالت کو ماہرین نے بائی لیٹرل میکروسٹومیا کہا ہے۔ اور بچی کے والدین کو مشورہ دیا ہے کہ وہ بچی کے چہرے کی سرجری کروائیں۔
اب تک دنیا میں اس طرح کے کیسز کی تعداد 14 یا اس سے زائد بتائی جا رہی ہے۔بچی کے والدین نے اس کا ٹک ٹاک اکاؤنٹ بنایا اور اس کی ویڈیوز اپ لوڈ کرنی شروع کی جو دیکھتے ہی دیکھتے مقبول ہوگئیں۔ تاہم ڈاکٹر کے مطابق بچی کی سرجری کر کے اس کے ہونٹون کے کناروں کو ملانے کی کوشش کی جائے گی۔
