2.5 فٹ کے دلہے کو آخر کار دلہن مل گئی ۔
لاہور (اعتماد ٹی وی) آج کل کے دور میں شادی کو لے کر ویسے ہی بڑے مسائل کا سامنا ہے اس پر اگر آپ کا قد چھوٹا ہو تو یہ مشکلات ناممکنات میں بدل جات ہیں ۔ لیکن اللہ تعالیٰ نے یہ فیصلے اپنے ہاتھ میں رکھے ہیں اور وہ جس کو چاہتا ہے عطا کرتا ہے ایسے عطاء کرتا ہے کہ انسانی عقل دنگ رہ جاتی ہے۔
ایسا ہی فتح جھنگ سے تعلق رکھنے والے اڑھائی فٹ قد کے حامل شوکت علی کے ساتھ ہوا۔ شوکت علی جس کی عمر 28 سال ہے اپنی شادی کے خواب تو دیکھتا تھا لیکن ان کی تعبیر پوری ہونے کی دعا کر تا تھا۔ آخر کار اس کی دعائیں رنگ لے آئیں اور اس کو اٹک سے اپنے ہی قد جتنی لمبی اور ہم عمر لڑکی مل گئی۔
شوکت علی کی خواہش تھی کہ اس کی ہم سفر اس سے لمبی نہ ہو اور اللہ نے اس کی خواہش پوری کردی۔ دلہن کے گھر والوں نے بخوشی آمنہ کا ہاتھ شوکت علی کو دے دیا۔ شوکت جب بارات لے کر اٹک پہنچے تو ان کو ہاتھوں ہاتھ لے کر سیلفیاں بنائیں گئیں۔ شوکت نے بھی اپنی شادی کو بھرپور منایا، رقص کیا، دلہن بھی شادی کے حوالے سے بھر پور تیار تھیں۔
شوکت اپنے شہر میں چئیر مین کے نام سے مشہور تھا اور ایک ہوٹل کی کارپارکنگ میں کام کرتا تھا۔ شوکت نے شادی کے موقع پر کہا کہ انسان کو کسی بھی حالت میں مایوس نہیں ہونا چاہیے ۔ وہ رب بڑا کار ساز ہے سب کچھ عطا کر دیتا ہے بس نیت صاف اور طلب سچی ہونی چاہیے۔
