جامن گرمیوں کا ایسا پھل ہے جو کہ بہت کم عرصے کے لئے آتا ہے اس لئے اس کے فوائد زیادہ ہیں ۔ جامن کو جاوا پلم اور بلیک پلم بھی کہا جاتا ہے ۔ یہ گہرے جامنی رنگ کا اور میٹھا پھل ہوتا ہے ۔ اس کے استعمال سے پیٹ درد سے راحت ملتی ہے ۔ ذیابیطس اور گٹھیا کے مریضوں کے لئے بھی یہ بہت ہی مفید پھل ہے۔
اس کے استعمال سے پیچش اور پیٹ کا پھولنا بھی ختم ہو جاتا ہے اس کے ساتھ ساتھ جامن میں موجود وٹامن سی اور آئرن جسم میں ہیموگلوبن کو بڑھاتا ہے۔ ہیمو گلوبن کے بڑھنے سے جسم کا خون اعضاء تک زیادہ آکسیجن پہنچائے گا ۔ جامن میں موجود آئرن خون کو صاف کرتا ہے۔
جامن کا استعمال جلد کو خوبصورت بناتا ہے ۔ جلد پر موجود بیکٹریاز کو ختم کرتا ہے ۔ جو کہ کیل مہاسوں کا سبب بنتے ہیں۔ جامن کے استعمال سے آنکھوں کی صحت بھی بہتر ہوتی ہے۔ اس میں وٹامن اے اور سی موجود ہوتا ہے۔اس کے علاوہ جامن دل ، ہائی بلڈ پریشر ، فالج جیسے بیماریوں سے بھی دور رکھتا ہے۔ دل کی شریانوں کو صحت مند رکھتا ہے۔
