ماں نے اپنی خوبصورتی بڑھانے کے لئے اپنی ہی اولاد کو بیچ دیا ۔
آن لائن (اعتماد ٹی وی) انسان کو دنیا میں لانے کا ذریعہ اس کی ماں ہے اس لئے رب تعالیٰ نے ماں کے قدموں تلے جنت رکھی ہے۔ ماں کو کسی بھی معاملے میں انکار نہیں کیا جا سکتا۔ لیکن دور حاضر کی ماں اس سے خاصی مختلف ہے ۔
بین الاقوامی ذرائع کے مطابق روس میں موجود ایک خاتون نے اپنے پانچ دن کے بچے کو بیچ دیا اور وجہ یہ تھی کہ اپنے ناک کی پلاسٹک سرجری کروانا چاہتی تھی اس کے لئے اس کو رقم کی ضرورت تھی۔ خاتون کا تعلق ماسکو سے ہے اور اس نے اپنے بچے کو 3600 ڈالر کے عوض بیچ دیا۔
خاتون نے 25 اپریل 2022 کو روس کےجنوبی شہر کاسپیسک میں موجود ایک ہسپتال میں بچے کو جنم دیا تھا اور اس کے بعد انھوں نے وہاں کے ایک مقامی بے اولاد جوڑۓ کے ہاتھ بچے کو فروخت کر دیا۔ روسی حکام کی جانب سے بتایا کہ بچہ جوڑۓ کے حوالے کرتے وقت اس نے 360 امریکی ڈالر لئے جبکہ باقی رقم ایک ماہ کے بعد اداکی گئی۔
پولیس کو جیسے ہی اس واقعے کے متعلق علم ہوا انھوں نے جوڑے کو تفتیش کے لئے بلا کر ساری حقیقت اگلوا لی۔ جوڑے نے بتایا کہ خاتون نے ان کو بچے کا برتھ سرٹیفکیٹ بھی دیا تھا اور براہ راست مکمل رقم لینے سے انکار کیا تھا ۔ خاتون کو پولیس نے حراست میں لے لیا ہے۔
