ذرائع کے مطابق ایشیا ء کپ کے سری لنکا سے عرب امارات کی جانب منتقل ہونے پر پاکستان اور بھارت کے شائقین آمنے سامنے آگئے۔ سوشل میڈیا پر محاذ آرائی شروع ہو گئی اور ایک دوسرے کے خلاف میمز بنانے شروع کر دئیے۔ ٹوئٹر پر ایک صارف نے بابر اعظم کی تصویر شئیر کی اور کہا کہ یہ ایسا شخص ہے جو کہ ایشیاء کپ میں سب سے زیادہ رنز بنانے والا ہے۔
ایک اور صارف نے لکھا کہ پاکستان کے پاس چونکہ دبئی میں کھیلنے کا وسیع تجربہ ہے اس لئے اس کا زیاد ہ فائدہ بھی پاکستانی کرکٹ ٹیم کو ہو گا ۔ ایک صارف نے بھارتی کرکٹ ٹیم کے کپتا ن کی تصویر شئیر کرتے ہوئے لکھا کہ دوبارہ دھلائی کے منتظر ۔
پاکستان کی کرکٹ ٹیم کے کپتان بابر اعظم چونکہ ہے آئی سی سی کی ٹی ٹوئنٹی رینکنگ میں پہلے نمبر پر ہیں اور دوسرے پر محمد رضوان اس لئے پاکستان کے کرکٹ شائقین کی امیدیں اس بار بھی بلند ہیں۔ انڈیا کو ٹی ٹوئنٹی کے ہر میچ میں پہلی مرتبہ پاکستان نے شکست دی تھی۔ 2021 کے بعد پہلی مرتبہ پاکستان اور بھارت آمنے سامنے ہو نگے ۔
