غلاف کعبہ سینے کی سعادت حاصل ہونے پر ابرار الحق نے کیا خوشی کا اظہار۔
معروف گلو کار و سیاستدان ابرارالحق نے گزشتہ روز ٹوئٹر پر ایک ویڈیو شئیر کی جس میں وہ غلاف کعبہ سی رہے ہیں۔ ابرارالحق نے اس موقع پر ایک پیغام جاری کیا کہ میرے والدین آج زندہ ہوتے تو بہت خوش ہو تے کہ ان کے گنہگار بیٹے کو بھی اللہ تعالیٰ نے اس سعادت سے نوازا۔
ابرارالحق کا کہنا ہے کہ میرے مرحوم والدین آج مجھ پر فخر کر رہے ہوں گے کہ ان کے بیٹے کو آج غلاف کعبہ کو سونے کے دھاگے سے سینے کی سعادت نصیب ہوئی۔
یاحَیُّ ، یا قیومّ۔ سعودی عرب کی تاریخ میں یہ پہلی بار ہوا کہ غلاف کعبہ کو ذی الحج کی بجائے یکم محرم الحرام کو تبدیل کیا گیا ۔
یکم محر م الحرام اسلامی سال کا پہلا دن ہونے کے ساتھ ساتھ خلیفہ دوئم امیر المومینین حضرت عمر فاروقؓ کا یوم شہادت بھی ہے ۔
جن کی بہادری و شجاعت کا ایک زمانہ گواہ تھا۔ جن کی سلطنت میلوں تک پھیلی ہوئی تھی۔ ہمارے حکمرانوں کے لئے ان کی ذات ایک مکمل ضابطہ حیات ہے۔
