سوشل میڈیا نے ایک اور خاتون کو گھر والوں سے ملوا دیا ۔
20 سال پہلے ایجنٹ کے ہاتھوں پھنسنے والی بھارتی لڑکی پاکستان سے برآمد، ساری کہانی سامنے آگئی
سوشل میڈیا کے ذریعے ایک اور خاتون اپنے گھر والوں سے مل گئی۔ بیس سال قبل ایجنٹ کی وجہ سے بھارتی خاتون پاکستان آ گئی۔ ایجنٹ کے ذریعے وہ دبئی جانا چاہتی تھیں تا کہ اپنے گھر کے حالات سدھا ر سکیں ۔ لیکن ایجنٹ نے دو نمبری کی اور ان سے 20 ہزار نقد رقم لے کر حمیدہ بانو کو پاکستان لے آیا۔
پاکستان لا کر اسنے حمید ہ بانو کو حیدرآباد میں ایک کمرے میں قید کر دیا جہاں سے وہ اپنی کوششوں سے بچ نکلی لیکن کاغذات نہ ہونے کے سبب وہ اپنے ملک واپس نہ جا سکی نہ ہی کسی اپنے سے رابطہ کر سکیں۔
تھک ہار کر حمیدہ نے پاکستان میں ہی ایک شخص سے شادی کر لی جو کہ کورونا وباء کے دوران انتقال کر گئے اب حمیدہ بانو اپنے سوتیلے بیٹے کے ساتھ رہائش پذیر ہیں۔
