مرغے کی بانگوں نے شہری کو عدالت پہنچا دیا ۔
انوکھا مقدمہ درج، ایک مرغ کی بانگوں نے دونوں گھروں کو عدالت میں پہنچا دیا
جرمنی کے شہر برلن میں ایک شہری نے پڑوسی کے مرغ کی بانگوں سے تنگ آ کر عدالت میں اس کے خلاف مقدمہ درج کروادیا۔ بید سلز فلین جو کہ جرمنی کا ایک قصبہ ہے وہاں پر رہائش پذیر جوڑے کا کہنا ہے کہ ان کے ہمسائے نے مرغ رکھا ہوا ہے جو کہ سارا دن بولتا رہتا ہے ۔
ایک اندازے کے مطابق وہ دن میں 200 کے قریب بانگیں دیتا ہے ۔ جس کی وجہ سے ہم اپنے گھر کے باغیچے میں آزادانہ بیٹھ نہیں سکتے۔
76 سالہ فریڈرک اور ان کی اہلیہ نے شکایت کی ہے کہ وہ اپنے گھر کے آنگن اور باغیچے میں نہیں بیٹھ سکتے اپنے گھر کی کھڑکیاں بند کرنے کے باوجود بھی مرغے کی آواز نے ان کو بے سکون کر رکھا ہے۔
