عمران خان کی شروع کردہ اسکیم کو دوبارہ سے شروع کرنے کا فیصلہ۔
پنجاب حکومت نے سابق وزیراعظم عمران خان کی شروع کردہ مرغی پال اسکیم کو دوبارہ سے شروع کرنے کا فیصلہ کر لیا ہے ۔ نجی ٹی وی ٹربیون کے مطابق تحریک انصاف کے اقتدار سے جانے کے بعد راولپنڈی لائیو سٹاک ڈیپارٹمنٹ نے مرغی پال، کٹا پال اور کٹا فربہ جیسی تمام اسکیموں کو بند کر دیا تھا ۔
پنجاب کی اتحادی حکومت نے ان اسکیموں کو دوبارہ شروع کرنے کا فیصلہ کیا ہے اور ان اسکیموں پر دی جانے والی سبسڈی بھی 50 فیصدکم کر دی گئی ہے ۔ اس کے ساتھ ساتھ لوگوں کو دی جانی مرغیوں کی قیمت میں اضافہ کر دیا گیا ہے ۔
ایک مرتبہ پھر سے مرغی پال اسکیم پر کام تیزی سے شروع کر دیا گیا ہے ۔ پنجاب میں اتحادی حکومت کے آنے کے ساتھ ہی پہلے 15 دن میں 35 ہزار مرغیاں تقسیم کی جا چکی ہیں۔
ذرائع کے مطابق تحریک نصاف نے اپنے وفاقی حکومت کے دوران ان اسکیموں کو آغاز کیا تھا اور تب شہریوں کو 1 ہزار 50 روپے میں پانچ مرغیوں کے ساتھ ایک مرغ کا سیٹ دیا جاتا تھا۔ 2021
میں اس کی قیمت میں 140 روپے اضافہ کیا گیا جبکہ اب 2022 میں قیمت اضافے کے بعد 1180 روپے ہو گئی ہے۔
