راحت فتح علی خان پر بھی ٹک ٹاک کا جادو چڑھ گیا۔
لاہور (اعتماد ٹی وی) موجودہ ترقی یافتہ دور میں آئے روز ایسی نئی ایپلیکشن متعارف کروائی جا رہی ہیں جس پر لوگ اپنی روز مرہ زندگی کی مختلف ویڈیوز بنا کر ڈالتے ہیں اور مشہور ہو جاتے ہیں۔ آج کل ان ایپس کو کمائی کا ذریعہ بنا یا جا رہا ہے ۔ اور یہ آسان ذریعہ ہے ۔
ایسے ہی مختلف اداکار و گلوکار بھی اپنی فین فالونگ بڑھانے کے لئے ان ایپس کو استعمال کرتے ہیں اور اپنے مداحوں سے رابطے بناتے ہیں۔
لائیو سیشن کے ذریعے یہاں مداحوں کے سوالات کا جواب بھی دیا جاتا ہے۔
راحت فتح علی خان کا نام دنیا میں لیجنڈری گلوکاروں میں شمار ہوتا ہے۔ ان کو مختلف ممالک کی جانب سے ایوارڈز میں مل چکے ہیں۔ ان پر بھی سوشل میڈیا ایپس کا جادو چل گیا ہے اور راحت فتح علی خان نے ایکٹنگ سے بھرپور ایک ویڈیو کلپ سوشل میڈیا پر ڈالی ہے ۔
اس میں وہ شعلے فلم کا دھرمیندر کا کردار اداکرنے کی کوشش کر رہے ہیں۔ ان کے ساتھ حاجی ندیم کھڑے ہیں جن کو راحت اپنا نصرت فتح علی خان بتا رہے ہیں۔ اور کہہ رہے ہیں کہ ہمیں کوئی جدا نہیں کر سکتا ۔ ویڈیو کو صارفین کی جانب سے تنقید کا نشانہ بنایا جا رہا ہے۔
