کورونا کی وباء پھر سے ملک میں آنے کی کوشش کر رہی ہے، دیکھنے میں آرہا ہے کہ روز بروز کرونا کے پاکستان مین ایکٹو کیسز میں اضافہ ہو رہا ہے۔ جو کہ غور طلب ہے اور فورا احتیاطی تدابیر کی طلب کرتا ہے۔
کورونا وائرس کس بلڈ گروپ کے لوگوں لے لئے زیادہ برا ہوتا ہے امریکی تحقیق کے انکشافات
امریکن جریدے “بلڈ ایڈوانسز” میں شائع ہونے والی دو تحقیقاتی رپورٹز کے مطابق، اس بات کو ثابت کیا گیا ہے کہ انسان کا بلڈ گروپ کرونا ہونے یا نا ہونے میں اہم کردار ادا کرتا ہے۔ یاد رہے کہ “بلڈ ایڈوانسز” امریکہ کا آن لائن جریدہ ہے، جو کہ امریکن سوسائٹی آف ہیماٹولوجی سے منسلک ہے۔
تحقیق سے یہ بات سامنے آئ ہے کہ جن لوگو کا بلڈ گروپ 0 ہوتا ہے، انھیں کرونا ہونے کا خدشہ بہت کم ہوتا ہے۔
اس ہونے والی تحقیق میں دانش ہیلتھ رجسٹری سے 473000 لوگوں کا ریکارڈ لیا گیا، جن کا کرونا کا ٹیست ہو چکا تھا، اور اس کو پھر بائیس لاکھ لوگوں کے ڈیٹا کے ساتھ معائنہ کیا گیا۔ جس سے یہ پتہ چلا کہ ایسے لوگ جن کا بلڈ گروپ 0 ہے، انکا کرونا ٹیسٹ کیا گیا، تو وہ چند لوگون کا ہی مثبت آیا، جبکہ جن لوگوں کا بلڈ گروپ اے، بی، اور اے بی ہے، ان لوگوں میں کرونا کا ٹیسٹ مثبت آنے کا تناسب زیادہ تھا۔
