سالگرہ منانے کی شرعی حثیت مُبع ہے نہ گناہ نہ ثواب۔ سالگرہ کو منانا جائز ہے۔ لیکن اس کو منانے کے طریقے غلط ہیں جیسے کہ مخلوط تقریب، موسیقی چلانا، ناچ گانا کرنا یہ سب منع ہے۔ بعض لوگ اس کو انگریزوں کا طریقہ کہتے ہیں جو کہ سراسر غلط ہے۔ کیونکہ ان لوگوں نے سالگرہ کو انگریزوں کے تہوار سے منسوب کیا ہوا ہے جب کہ شرعاً سالگرہ منا نا جائز ہے۔
جب بھی کسی چیز کو کسی قوم کے ساتھ جوڑا جاتا ہے تو گمان کیا جاتا ہے کہ صرف ان کا تہوار ہے مطلب کافروں کا تہوار ہے جیسے کہ برصغیر پاک و ہند میں جب انگریز داخل ہوئے تو ان کا لباس پینٹ شرٹ تھا اُس وقت پینٹ شرٹ کے ساتھ یہی گمان کیا جاتا تھا کہ یہ کافروں کا لباس ہے اور جب کوئی مسلمان یہ پہنتا تو اس کے متعلق بدگمانی پیدا ہوتی۔ لیکن آہستہ آہستہ پینٹ شرٹ عام ہوگئی اور اب اس مسلمان اور کافر دونوں پہنتے ہیں تو کوئی بدگمانی پیدا نہیں ہوتی۔
