اعتماد نیوز: ہر رمضان میں پاکستان کے نجی اور سرکاری نیوز چینل پر رمضان ٹرانسمیشن کے نام سے مچھلی منڈی لگ جاتی ہے۔
مگر قابل غور بات یہ ہے زیادہ تر اس ٹرانسمیشن کے ہوسٹ کا تعلق دور دور تک اسلام سے نہیں ہوتا وہ بس فصلی بٹیروں کی شکل میں رمضان میں نمودار ہوتے ہیں اور اپنے اُلو سیدھا کر کے عوام کو بیوقوف بنا کر چلتے بنتے ہیں۔
درج ذیل بھی قصہ کچھ ایسا ہی ہے، جس میں رابعہ انعم عبیدہ نے یہ اعلان کیا ہے کہ وہ آنے والے رمضان میں افطار اور سحر پروگروام پاکستان کے قومی سرکاری نیوز چینل پی ٹی وی پر کرینگی۔
آپ کو بتاتے چلے کہ رابعہ انم عبیدہ دراصل ایک مورننگ شو ہوسٹ ہے اور مختلف عنوانوں پر یہ شو کرتی رہتی ہے۔ لیکن اگر ان کے پس منظر کی بات کی جائے تو پتہ چلتا ہے یہ دراصل رابعہ انعم سیلون کی مالک ہے۔
اب سوال یہ پیدا ہوتا ہے کہ ان کے لباس، جو کہ خوبصورتی سے بڑھا پرا ہوتا ہے تاکہ لوگ متوجہ ہو اور ان کے بال نظر آرہے ہوتے اور میک اپ سے انہوں نے اپنے آپ کو خوبصورت سے خوبصورت لگنے کی کوشش کی ہوتی ہے۔
تو آپ کو کیا اب ایسے لوگ اسلام کا درس دینگے، جنہیں خد شریعت کے مطابق پردہ کرنا تک نہیں آتا؟
حکومت کو اس بارے میں ناصرف عملی قدم اُٹھانا چاہئیے بلکہ لوگوں میں بھی اس بات شعور پیدا کرنا چاہئے۔
