نیولا ایک حیوان ہے جو چوہوں اور سانپوں کا دشمن ہے یہ ان کے بلوں میں داخل ہو کر ان کو باہر نکال دیتا ہے، یہ جانور مگرمچھ کا بھی دشمن ہے۔ کیونکہ مگر مچھ کے دانتوں میں خوراک پھنس جاتی ہے جس کی وجہ سے وہ اپنا منہ کھلا رکھتا ہے کہ پرندے اس کے دانتوں کی صفائی کریں۔ ایسے ہی اوقات میں نیولا مگر مچھ کے منہ کے راستے اس کے پیٹ میں داخل ہو کر اُس کی آنتیں کھا جاتا ہے۔ ایسے ہی یہ سانپوں کا بھی دشمن ہے۔
جب نیولا بیمار ہوتا ہے تو یہ مرغی کے انڈے کھاتا ہے اور انڈے کھاتے شفایاب ہو جاتا ہے۔ نیولا پاکستان اور مصر کے علاقوں میں باکثرت پایا جاتا ہے۔ نیولے کی مادہ منہ کے ذریعے حاملہ ہوتی ہے اور دُم کے ذریعے بچے دیتی ہے۔
نیولا حرام جانور ہے کیونکہ یہ چوہے کے مشابہ ہے۔ نیولے کے دماغ کو بطور سرمہ آنکھوں کے دھندلے پن سے نجات حاصل کرنے کے کیے استعمال کیا جاتا ہے۔
نیولے اور چوہے کا خون گھر میں نحوست کا باعث بنتا ہے۔ نیولے کی ہتھیلیاں کسی عورت کے گلے میں لٹکا دی جائیں تو جب تک یہ اُس عورت کے گلے میں موجود رہیں گی وہ عورت حاملہ نہ ہو گی، نیولے کا پاخانہ زخموں پر لگانے سے خون فوراً رُک جاتا ہے۔ نیولے کو خواب میں دیکھنا ایسے مرد کی طرف اشارہ ہے جو ایک کم سن لڑکی سے شادی کرے گا۔ بحوالہ کتاب حیات الحیوان حصہ دوم
