اسلام آباد (اعتماد نیوز ڈیسک ) وزیراعظم پاکستان عمران خان نے آرمی چیف جنرل قمر جاوید باجوہ سے ملاقات کی جس میں سابق ڈی جی آئی ایس آئی فیض حمید نے بھی شرکت کی ۔
ترجمان وزیراعظم پاکستان آفس نے بیان جاری کیا، جس کے مطابق ملاقات میں نئے ڈی جی آئی ایس آئی کی تعیناتی کیلئے حتمی مشاورت عمل کا حصہ تھی ۔ بیان کے مطابق ملاقات میں ڈی جی آئی ایس آئی کی کمانڈ کی تبدیلی کے وقت سے متعلق بھی مشاورت کی گئی ۔ وزیراعظم عمران خان نے تمام نامزد افسران کے انٹرویو کیے ہیں۔
جس کے بعد لیفٹیننٹ جنرل ندیم انجم کو ڈی جی آئی ایس آئی کے عہدے پر تقرری دینے کی منظوری دی گئی ۔
دوسری جانب لیفٹیننٹ جنرل ندیم احمدانجم ڈی جی آئی ایس آئی تعینات ہو گئے، جس کا باقاعدہ نوٹیفکیشن جاری کر دیا گیا ہے۔
تفصیلات کے مطابق ، لیفٹیننٹ جنرل ندیم احمد انجم کو ڈی جی آئی ایس آئی تعنیات کر دیا ہے۔ جس کا باقاعدہ نوٹیفکیشن جاری کیا گیا ہے ۔ نوٹیفکیشن کا اطلاق 20 نومبر 2021 سے ہوگا اور موجودہ ڈی جی آئی ایس آئی لیفٹیننٹ جنرل فیض حمید 19 نومبر تک فرائض انجام دیں گے۔
