شارجہ (اعتماد نیوز ڈیسک ) پاکستانیوں کی دعائیں رنگ لے آئیں اور پاکستان کو فتح نصیب ہوئی،
پاکستان نے نیوزی لینڈ کو سنسنی خیز مقابلے کے بعد شکست دے دی ۔ تفصیلات کے مطابق آئی سی سی مینز ٹی ٹوئنٹی ورلڈ کپ کے گروپ 2 کے میچ میں نیوزی لینڈ کے 134 رنز کے تعاقب میں پاکستان نے 5وکٹوں کے نقصان پر نیوزی لینڈ سے میچ جیت لیا ۔
تفصیلات کے مطابق ٹی ٹوئنٹی ورلڈ کپ کے میچز شارجہ میں کھیلے جارہے ہیں ۔ کپتان بابر اعظم نے نیوزی لینڈ کے خلاف ٹاس جیت کر بولنگ کا فیصلہ کیا جبکہ قومی ٹیم میں کوئی تبدیلی نہیں کی گئی ۔
واضح رہے کہ نیوز ی لینڈ نے پاکستان کو مقررہ 20 اوورز میں جیتنے کے لئے135کا ہدف دے دیا۔ پاکستان اور نیوز ی لینڈ کا یہ میچ خاص طور پر ایک بڑے مقابلے کے طور پر لیا جارہا ہے، پاکستان نے ٹاس جیت کر اور نیوزی لینڈ کو بیٹنگ کی دعوت د ی تھی ۔
آپ کو بتاتے چلے کہ اس سے پہلے نیوزی لینڈ کی کرکٹ ٹیم پاکستان میں میچ کھیلنے آئی تھی مگر عین وقت پر اسٹیڈیم چھوڑ کر واپس چلی گئی اور وجہ بتائی گئی کہ سکیورٹی خدشات ہیں۔
