سعودی عرب کا پاکستان کیلئے 4ارب 20کروڑ ڈالرزکی امداد کا اعلان۔
اسلام آباد/ ریاض (اعتماد نیوز ڈیسک) وزیر اعظم عمران خان کے دورہ سعودی عرب کے بعد مثبت خبر سامنے آئی ہے جس کے مطابق سعودی عرب نے پاکستان کیلئے 3 ارب ڈالر ز کے سپورٹ فنڈ کا اعلان کیا ہے۔
اس حوالے سے وفاقی وزیر اطلاعات و نشریات فواد چوہدری کا کہنا کہ سعودی عرب نے پاکستان کو 3 ارب ڈالرز کے سپورٹ فنڈ کا اعلان کیا ہے۔
انہوں نے بتایا کہ یہ رقم سعودی فنڈ برائے ترقی اسٹیٹ بینک آف پاکستان میں جمع کرائے گا۔ فواد چوہدری نے بتایا کہ اس کے علاوہ سعودی عرب ایک سال کے دوران ریفائنڈ پیٹرولیم مصنوعات کی مد میں 1.2 ارب ڈالرز کی فنانسنگ بھی فراہم کرے گا۔
خیال رہے کہ وزیراعظم عمران خان کے اقتدار سنبھالنے کے کچھ عرصے بعد بھی سعودی عرب نے پاکستان کی مالی معاونت کی تھی۔ اس کے علاوہ متحدہ عرب امارات نے بھی پاکستان کی مالی معاونت کی تھی۔
آپ کو بتاتے چلے کہ حال میں ہی پاکستانی وزیراعظم سمیت مسلمانوں کے سربراہوں کا سعودی عرب میں اجلاس ہوا جس کا بنیادی مقصد تیزی سے ہونے والی ماحولیاتی تبدیلی کے بارے میں اقدام لینا ہے۔ اطلاعات کے مطابق، اجلاس اپنے مطلوبہ نتائج لینے میں کامیاب رہا۔
