ایک سو روپے کلو چینی میں سے 70 روپے عمران خان اور وزرا کی جیب میں جارہے ہیں، شاہد خاقان عباسی کا انکشاف

my_admin_user3 years ago01 mins

اسلام آباد (اعتماد نیوز ڈیسک) پاکستان کے سابقہ وزیر اعظم شاہد خاقان عباسی نے دعویٰ کیا ہے کہ حکومتی کرپشن کی وجہ سے چینی پر ستر اور آٹے پر تینتالیس روپے وزرا ء کی جیبوں میں جارہے ہی۔

 

 

انہوں نے مزید تنقید کرتے ہوئے کہا کہ حکومت پے در پے نیب آرڈیننس لارہی ہے، نیب کو مکمل استثنیٰ حاصل ہے جو چاہے کریں، مذہبی جماعت کے تیس افراد اس دنیا سے گئے، اسکا زمہ دار کون ہے؟ انہوں نے مزید الزام لگایا کہ حکومت قانون کیساتھ مذاق نہ کرے ۔

 

 

شاہد خاقان عباسی نے میڈیا سے گفتگو کرتے ہوئے کہا کہ گزشتہ روز ایک اور واقعہ پاکستان کی پارلیمانی روایت میں پیش آیا۔ اسمبلی کا سیشن ہوا، سینٹ کا سیشن ہوا، دو آرڈیننس پیش کیے گئے، 31 کا آرڈیننس 6 اکتوبر والے کو پروٹیکٹ کرتا ہے، یہ حال ہے وزیراعظم کا۔ ان کا کہنا تھا کہ کہتا ہوں ایک ہی آرڈیننس جاری کریں کیوں اتنی محنت کر رہے ہیں۔

 

 

انہوں نے کہاکہ صدر چیئرمین نیب کو نکال سکتا ہے، مطلب جو چیئرمین بات نہیں مانے گا اسے نکال دیا جائے گا،نئے چیئرمین منتخب نہیں ہو سکتے کیوں کہ وزیراعظم صاحب مشاورت نہیں کر سکتے،یہ چیئرمین اب مستقل چیئرمین ہیں،ہم شروع دن سے کہہ رہے ہیں کیمرے لگائیں اور ہماری کرپشن عوام کو دیکھائے۔ انہوں نے کہاکہ چینی پر 70 روپے عمران خان اور ان کے وزرا ء کی جیب میں جا رہے ہیں،گندم پر 45 روپے عمران خان اور ان کے وزرا ء کی جیب میں جا رہے ہیں۔