اسلام آباد (اعتماد نیوز ڈیسک) مزمل اسلم، جو کہ ترجمان مشیر خزانہ ہے، انہوں نے کہا ہے کہ حکومت نے پٹرولیم مصنوعات پر سیلز ٹیکس 17 فیصد سے کم کر کے 1.43 فیصد کر دیا ہے، جبکہ لیوی کی مد میں 35 روپے فی لیٹر بھی چھوڑ دیئے ہیں اگر ایسا نا کرتے تو بصورت دیگر پٹرول 180 روپے فی لیٹر ہوتا۔
تفصیلات کے مطابق، پٹرولیم مصنوعات کی شرح میں اضافہ کی وضاحت کرتے ہوئے، حکومت کی طرف سے بیان آیا کہ پٹرولیم مصنوعات پر سیلز ٹیکس صرف 1.43 فیصد لیا جا رہا ہے ۔
مشیر نے کہا کہ اگر سیلز ٹیکس 17 فیصد وصول کیا جاتا تو قیمت 160 سے بھی زیادہ ہو جاتی ۔ انہوں نے کہا کہ مزید اگر 30 روپے لیوی کی مد میں وصول کئے جاتے تو پٹرول 180 روپے فی لیٹر ہوتا تاہم اس مد میں حکومت نیاپنے 35 روپے فی لیٹر بھی چھوڑ دیئے ہیں۔
مزید یہ کہ حالیہ پٹرولیم مصنوعات کی قیمتوں میں اضافے سے ہر چیز کی قیمت میں اضافہ ہو گیا ہے۔ جس سے عوام کی کمر ٹوٹ گئی ہے۔ جبکہ حکومت اس بارے میں بے بس نظر آرہی ہے اور قیمتیں آسمان سے باتیں کر رہی ہے۔
