اسلام آباد (اعتماد نیوز ڈیسک) پاکستان کرکٹ ٹیم کے سابقہ فاسٹ باؤلر شعیب اختر کا معاملہ سرکاری ٹی وی کے ساتھ بڑھتا جا رہا ہے۔
پی ٹی وی کی جانب سے ہرجانے کا نوٹس قومی سابق فاسٹ بولر شعیب اختر کو ارسال
حال میں ہی، سرکاری ٹی وی نے کرکٹ ٹیم کے سابق فاسٹ بولر شعیب اختر کو نوٹس بھیج دیا، جس پر شعیب اختر نے سرکاری ٹی وی کی جانب سے ہرجانے کے نوٹس پر ردعمل دیتے ہوئے کہا ہے کہ سرکاری ٹی وی نے سینیٹ کی سٹینڈنگ کمیٹی کی تحقیقاتی رپورٹ آئے بغیر نوٹس بھیج دیا۔
اختر کا کہنا تھا کہ وہ اپنے وکیل کے ذریعے نعمان نیاز اور سرکاری ٹی وی کے ایم ڈی کیخلاف ہائی کورٹ جائینگے ۔ خیال رہے کہ سرکاری ٹی وی چینل نے نوٹس میں راولپنڈی ایکسپریس سے مجموعی طور پر 10 کروڑ 33 لاکھ روپے کا ہرجانہ طلب کیا ہے، نوٹس کے مطابق شعیب اختر نے بتائے بغیر دبئی جا کر بھارتی کرکٹر کے ساتھ شو کیا جس سے سرکاری ٹی وی کو نقصان ہوا۔
