ٹی ٹوئنٹی رینکنگ جاری ، بابر اعظم دنیا کے نمبرون بلے باز کی پوزیشن برقرار رکھنے میں کامیاب

my_admin_user3 years ago3 years ago01 mins

لاہور (اعتماد نیوز ڈیسک) انٹرنیشنل کرکٹ کونسل نے ٹی 20 فارمیٹ کی نئی جدید رینکنگ جاری کر دی ہے۔

 

 

تفصیلات کے مطابق، پاکستان ٹیم کے کپتان بابراعظم اب بھی دنیا کے نمبر ون بلے باز ہیں کیونکہ وہ اب پھر اپنی پہلی پوزیشن برقرار رکھنے میں کامیاب ہو گئے ہیں۔

 

 

آئی سی سی کی تازہ ترین رینکنگ کے مطابق ، بابر اعظم انگلینڈ کے ڈیوڈ ملان سے 39 ریٹنگ پوائنٹس کی واضح برتری سے آگے ہے۔ بابراعظم کے ریٹنگ پوائنٹس 839 جبکہ ڈیوڈ ملان کے 800 پوائنٹس ہیں۔

 

 

نجی ٹی وی کے مطابق، ٹی ٹوئنٹی رینکنگ میں انگلینڈ کے بلے باز ڈیوڈ ملان دوسرے نمبر پر موجود ہیں اس کے ساتھ ہی جنوبی افریقی بلے باز ایڈن مارکرم 3درجہ ترقی کے بعد تیسری پوزیشن پر آگئے ہیں۔

 

 

آسٹریلیا کے بلے باز ایرون فنچ چوتھے، بھارتی کھلاڑی لوکیش راہول پانچویں جبکہ پاکستان بلے باز محمد رضوان چھٹی پوزیشن پر موجود ہیں۔

 

 

یاد رہے حالیہ بھارت کی ناقص کارکردگی کے بعد بھارتی کرکٹ ٹیم کے سابق کپتان ویرات کوہلی چار درجے نیچے آنے کے بعد 8ویں پوزیشن پر چلے گئے ہیں۔ اگر ان کے پوائنٹس کا بابر اعظم سے مقابلہ کیا جائے تو ویرات کوہلی 141 ریٹنگ پوائنٹس پیچھے ہیں۔