لاہور (اعتماد نیوز ڈیسک) لاہور ہائیکورٹ میں وزیراعظم پاکستان اور وزیر اعلی پنجاب عثمان بزدار کو مہنگائی کی بنا پر نا اہل کرنے کی درخواست کو نمٹا دیا گیا۔
تفصیلات کے مطابق، لاہور ہائیکورٹ میں دائر ہونے والی درخواست، جس میں وزیر اعظم عمران خان اور وزیر اعلیٰ پنجاب عثمان بزدار کی نااہلی اور نئے الیکشن کروانے کی التجا کی گئی تھی، کو ناقابل سماعت قرار دے کر بند کر دیا۔
ایک نجی ٹیلی ویژن کی رپورٹ کے مطابق، شیخ مظفر نے وزیراعظم پاکستان اور وزیر اعلی پنجاب کی نا اہلی کی درخواست کر رکھی تھی، جسے لاہور ہائیکورٹ آفس نے اعتراضات لگا کر درخواست کو ناقابل سماعت قرار دیا تھا۔
ان اعتراضات کی سماعت، لاہور ہائیکورٹ کے جسٹس علی باقر نجفی نے کی اور ہائیکورٹ آفس کے اعتراض کو برقرار رکھتے ہوئے درخواست خارج کر دی اور درخواست گزار کو باور کرایا کہ بے بنیاد درخواست دائر کرنے پر کیوں نہ جرمانہ کر دیا جائے؟
درخواست میں موقف لیا گئا تھا کہ عمران خان کی نا اہلی اور نقص پولیسیوں کی وجہ سے مہنگائی میں اضافہ ہو گیا جبکہ عمران خان نے جو وعدے قوم سے کیے تھے، وہ پورے بھی نہیں کئے۔
