لاہور (اعتماد نیوز ڈیسک) پاکستان کے مشہور بلے باز آصف علی نے اپنا ویڈیو پیغام جاری کیا، جس میں انہوں نے اپنے بلے میں ہونے والی مخصوص تبدیلیوں کے بارے میں بتایا۔
تفصیلات کے مطابق، پاکستان کرکٹ کے آفیشل پیج سے ایک ویڈیو جاری کی گئی، جس میں آصٖف علی اپنا بلا ہاتھ میں تھمائے ہوئے بتاتے ہے کہ وہ اپنے بلے میں کمپنی سے کیا تبدیلی کرواتے ہیں۔
آصف علی بتاتے ہے کہ ان کے بلے کا وزن 9۔2 ہے اور پاکستان ٹیم میں سب سے زیادہ بلے کا وزن ان کے بلے کا ہی ہیں۔
اس کی وجہ بتاتے ہوئے، ان کا کہنا تھا کہ ان کی باری آخری اوور میں آتی ہے جبکہ سی اے کی کمپنی ان کی سپونسر ہے اور وہ خود کمپنی کو اپنا بلا بنانے کے بارے میں کال کر کے ہدایت دیتے ہیں۔
ان کا کہنا ہے کہ وہ خود کمپنی کو کال کر کے کہتے ہیں کہ ان کے بلے کا وزن زیادہ نیچے ہو کیونکہ آخری اوور میں یورکر بھی مارنا پڑتا ہے اور آہستہ گیند بھی آتی ہے۔ ان کا کہنا تھا کہ بلے کا وزن اس لئے رکھتا ہو کہ اگر سلو گیند مڈل بیٹ پر بھی ہو تو گیند باہر چلا جائے۔
آصف نے اوپنر اور اپنے بلے میں فرق بتاتے ہوئے کہا کہ اوپنر کے بلے کا وزن برابر ہوتا ہے کیونکہ انہوں نے نئی گیند کھیلنی ہوتی ہے۔
جبکہ وہ پرانی گیند کھیلتے اور گیند بھی نرم ہو جاتا اور کچھ اوس کی وجہ سے بھی فرق پڑتا ہے۔ انہیں آہستہ آنے والی گیند بھی اُٹھانی پڑتی ہے، یورکر بھی اُٹھانا پڑتا ہے، اس لئے ان کے بلے کا وزن نیچے ہوتا ہے۔
انہوں نے ویسٹ انڈیز کے ساتھ ہونے والی سیریز کے بارے میں بتایا کہ وہ بھی بہت پرجوش ہے ویسٹ انڈیز کے ساتھ میچ کھیلنے کے لئے جبکہ انہوں نے تلقین کی عوام الناس ماسک پہن کر گراؤنڈ میں آئے اور ٹیم کو سپورٹ کریں۔
