“میرا دل میرے بیٹے کے لئے تڑپ رہا ہے، ہر گزرتے دن کے ساتھ مشکلات میں اضافہ ہو رہا ہے، ہم نے دو ماہ سے ٹھیک سے کھایا نہیں ہے” ایک کشمیری ماں کی کہانی، جسے پاکستان کے حق میں نعرے لگانا مہنگا پڑ گیا۔

my_admin_user3 years ago01 mins

لاہور (اعتماد نیوز ڈیسک) بھارت نے پاکستان کے خلاف تعصب میں ہر حد پار کر کے انصانی حقوق کو بھی پیروں تلے روند دیا۔

 

 

تفصیلات کے مطابق، بھارت اور پاکستان کے مابین ہونے والے ٹی ٹوئنٹی میچ میں پاکستان کی فتح کی مبارک باد دینے پر، بھارت نے کشمیری نوجوان طالب علموں پر الزام لگا کر انہیں اندر کر دیا۔

 

 

بی بی سی کی جاری کردہ رپورٹ کے مطابق، حافظہ بیگم جو کہ بھارتی مقبوضہ کشیمر میں رہتی ہے۔ ان کا بیٹا شوکت احمد گنائی، جو کہ آگرہ میں موجود ایک کالج میں پڑھتا تھا، اسے اور اس کے دوستوں کو بھارت پولیس نے اندر کیا ہوا ہے۔

 

 

جس پر ماں نے روتے ہوئے کہا کہ “میرا دل میرے بیٹے کے لئے جل رہا ہے۔ ہمارا ہر دن تک مشکلات سے بھرا گزرتا ہے، ہم نے پچھلے دو ماں سے ٹھیک سے کھانا بھی نہیں کھایا”

شوکت کی بہن نے بتایا کہ 24 اکتوبر کو پاکستان اور بھارت کے ما بین ٹی ٹوئنٹی کرکٹ میچ تھا۔ شوکت اور ان کے دوستوں میں میسجز کا تبادلہ ہوا، جس پر پولیس انہیں پکڑ کر لے گئی۔