پشاور (اعتماد نیوز ڈیسک) خیبر پختونخواہ میں ہونے والے بلدیاتی الیکشن میں تحریک انصاف کو شکست کا سامانا کرنا پڑا، جبکہ مولانا فضل الرحمان کی جماعت جے یو آئی نے واضح برتری حاصل کی۔
اس موقعہ پر، صوبہ پنجاب کے سابقہ وزیر اعلیٰ شہباز شریف نے کہا کہ خیبر پختونخواہ میں بلدیاتی انتخابات کے پہلے مرحلے میں جے یو آئی ایف کے سربراہ مولانا فضل الرحمان کو ان کی پارٹی کی شاندار کارکردگی پر دلی مبارک باد دی۔
جس پر مولانا فضل الرحمان کا کہنا تھا کہ خیر مبارک، میاں صاحب آپ کا بہت شکریہ۔ ان کا مزید کہنا تھا کہ انشاء اللہ پی ڈی ایم مل کر اس ناجائز حکومت کا جلد خاتمہ کرے گی۔
دوسری طرف، وزیراعظم عمران خان نے خیبر پختونخواہ میں ہونے والی ناکامی پر اظہار کرتے ہوئے اعتراف کیا کہ انہیں اپنی غلطیوں کا خمیازہ بھگتنا پڑا۔
جس پر ان کا مزید کہنا تھا کہ وہ اب مستقبل میں ہونے والے تمام بلدیاتی الیکشن کی حکمت عملی کی خود نگرانی کرینگے۔
جبکہ پہلے مرحلے میں ہونے والی ناکامی کے بارے میں بات کرتے ہوئے، ان کا کہنا تھا کہ امیدواروں کا غلط انتخاب اس ناکامی کی اصل وجہ بنا۔
