کراچی (اعتماد ٹی وی) ڈاکٹر عامر لیاقت، جو کہ پاکستان تحریک انصاف کے ایم این اے ہونے کے ساتھ نام نہاد مذہبی سکالر اور کامیڈین بھی ہے، انہوں نے گزشتہ روز اپنی دوسری بیوی کو طلاق دے کر تیسری سے شادی کر لی ہے۔
عامر لیاقت کی بیوی سیدہ طوبہ کو طلاق ملنے کے بعد، لوگوں نے اسے ہی تنقید کا نشانہ بنانا شروع کر دیا، آخر طلاق کی وجہ کیا بنی سب سامنے آگیا۔
تفصیلات کے مطابق، ڈاکٹر عامر لیاقت نے گزشتہ روز اپنی دوسری بیوی سیدہ طوبہ کا طلاق دینے کا اعلان کیا اور اس کے بعد انہوں نے آج دانیہ شاہ سے نکاح کا اعلان بھی کر دیا ہے۔
جبکہ لوگوں نے طلاق شدہ سیدہ طوبہ کو ہی تنقید کا نشانہ بنانا شروع کر دیا۔ عوام نے سوشل میڈیا پر ایک پرانی ٹوئٹ شئیر کی، جو کہ ڈاکٹر عامر لیاقت کی پہلی بیوی کی تھی اور یہ پیغام اس وقت کا ہے جب ڈاکٹر عام لیاقت نے اپنی پہلی بیوی سیدہ بشریٰ اقبال کو طلاق دی تھی۔
