اسلام آباد ( اعتماد ٹی وی) مسلم لیگ ن کے رہنما خواجہ آصف نے وزیر اعظم کے عوام سے خطاب کے دوران کی گئی باتوں کو ناپسندیدگی سے دیکھا ہے اور آج میڈیا سے بات چیت کے دوران انھوں نے کہا ہے کہ پاکستان کی معشیت کا تمام تر انحصار امریکہ پر ہے آج امریکہ ہم پر پابندی لگا دے تو ہمیں کہیں سے قرضہ نہ ملے ۔
امریکا پاکستان کو بالکل تنگ نہیں کر رہا یہ سب عمران خان کی خود کو بچانے کی ترکیبیں ہیں۔ یہ چار سالوں سے کہہ رہے ہیں کہ سب کو رلاؤں گا آج وقت ایسا آیا ہے کہ قوم ان کو روتے ہوئے دیکھ رہی ہے۔
حکومت کے خلاف کوئی سازش نہیں کی جارہی ۔ عمران خان سے چار سالوں میں سیاست نہیں سنبھلی ملک نہیں سنبھلا تو ا ب اور کیا سنبھالنا چاہتے ہیں۔
عمران خان نے اپنی تقریر میں امریکہ کا نام لے کر جو سنسنی پھیلائی ہے اس میں ان کو ناکامی ہو گی۔ پاکستان میں تمام تر وینٹیلیٹر امریکہ کی بدولت لگے ہیں۔
عمران خان اس وقت سیاسی طور پر دیوالیہ ہو گئے ہیں۔ اب جب کہ سیاست ان کے بس کی نہیں رہی تو یہ عالم دین بن گئے ہیں۔ تحریک عدم اعتماد کی کامیابی کے بعد کہیں ایسا نہ ہو کہ یہ جنگلوں کا رُخ کر لیں۔ اور اپنا وجود ہی کھو دیں۔