تحریک عدم اعتماد کے لئے وزیراعظم بھی ہو گئے تیار۔
اسلام آباد (اعتماد ٹی وی) تحریک عدم اعتماد کے حوالے سے پاکستان کے موجودہ وزیراعظم عمران خان نے بیان دیا تھا کہ وہ اور ان کے اراکین بروز اتوار اسمبلی میں شرکت نہیں کریں گے ۔
لیکن وزیراعظم نے اس سلسلے میں سوچ کے بعد یہ فیصلہ کیا ہے کہ تحریک عدم اعتماد کا سامنا بلا جھجک کیا جائے گا۔
اس حوالے سے حکمت عملی تیار کر لی گئی ہے پاکستان تحریک انصاف کے اراکین وزیراعظم کے ساتھ قومی اسمبلی کے اجلاس میں شرکت کریں گے۔ اور تحریک عدم اعتماد کے خلا ف ووٹ بھی دیں گے۔
اسمبلی کے قوانین کے مطابق وزیراعظم کے خلاف پیش کی گئی اس عدم اعتما د کی تحریک کے لئے نمبرز مکمل کرنا ضروری ہوتا ہے۔
قومی اسمبلی کے اراکین کی تعداد 342 ہوتی ہے اور حکومت مخالف جماعتوں کو وزیراعظم کے خلاف اس تحریک کو کامیاب بنانے کے لئے 172 ارکان جمع کرنے ہونگے ۔
اور متحدہ اپوزیشن اس حوالے سے پہلے ہی اپنے نمبرز کی برتری ثابت کر چکی ہے۔ اس کے ساتھ وزیراعظم نے بھی تحریک عدم اعتماد کے لئے تیاری کر لی ہےاور وہ کل اس حوالے سے بڑا سرپرائز دیں گے ۔
