امتحانات سے صرف تین ہفتے قبل سیکرٹری سکولز ایجوکیشن کا بڑا حکم۔
لاہور (اعتماد ٹی وی) کورونا وباء کے بعد تعلیمی نظام کو معمول پر لانے کے کئے بڑے فیصلے کئے گئے نیا تعلیمی سال ایک ماہ کی تاخیر سے شروع کیا گیا۔
موسم گرما کی چھٹیوں میں ایک ماہ کی کمی کی گئی اب سیکرٹری سکولز نے میڑک کے امتحانات سے صرف تین ہفتے قبل ایسا حکم جاری کیا کہ طلباء کے ساتھ ساتھ انتظامیہ بھی مشکل میں پڑھ گئی۔
سیکرٹری سکولز ایجوکیشن نے میٹرک کے طلباء و طالبات میں پریکٹیکلز کاپیوں کی تقسیم کا حکم دیا ہے ایسے وقت میں جب کے امتحانات کا شیڈول جاری ہو گیا ہے اور وقت کم ہے تو اساتذہ بھی پریشان ہیں کہ ایسے میں طالب علم کیسےعملی امتحانات کی تیاری کریں گے اب جب کہ سکول بھی بند ہو گئے ہیں اور میٹرک کے طلباء سکول آنا چھوڑ چکے ہیں۔
عملی کاپیوں کی تیار اس وقت مشکل مرحلہ ہے۔ اساتذہ کی جانب سے اعتراض اُٹھایا گیا ہے کہ جاری کردہ کاپیاں پرانے نصاب کے مطابق ہیں اگر یہی کاپیاں جاری کرنا تھیں تو سال کے آغاز میں کر دیتے ۔ ایسے وقت میں یہ ناانصافی ہے۔ میٹرک کے امتحانات 10 مئی 2022 کو شروع ہو رہے ہیں ۔
