اڑھائی سو سال سے زائد عمر پانے کا خواب اب حقیقت بن گیا ۔
لاہور ( اعتماد ٹی وی ) ہر انسا ن کی خواہش ہو تی ہے کہ وہ لمبی زندگی حاصل کرے اور پرامن و صحت مند طریقے سے زندگی گزارے ۔ دین اسلام کے مطابق حضرت آدم ؑ سے لے کر حضرت سلیمان ؑ کے دور تک انسانی عمر کئی سو سال پر محیط تھی ۔
جس میں کمی ہوتے ہوتے حضرت محمدؐ کی امت تک یہ عمر صرف 70 سے 80 سال تک رہ گئی جس میں اب مزیدکمی ہو گئی ہے ۔ ڈاکٹر ز کے مطابق اب ایوریج عمر قریباً 50 سے 55 سال ہے ۔
آج کے دور میں بھی کسی کی عمر 100 سال سے زائد ہو تو اس کو رشک کی نگاہ سے دیکھا جاتا ہے اسی طرح چین کے ایک شخص جن کی عمر 256 سال تک ریکارڈ کی گئی ۔
ان کا نام ” لی چنگ ین ” ہے ان کے بارے میں 1930 میں ایک آرٹیکل کے ذریعے معلوم ہوا کہ چین کے ایمپریل گورنمنٹ ریکارڈ کے مطابق چین کی حکومت کو 1827 میں لی چنگ کے متعلق علم ہوا کہ یہ 150 سال کے ہیں تو انھوں نے ان کو مبارکباد بھجوائی ۔
بعدازاں 1877 کے کاغذات سے پتہ چلا کہ لی چنگ ابھی بھی زندہ ہیں تو ان کو 200 ویں سالگرہ کی مبارک باد دی گئی ۔
لی چنگ ین کے بارے میں معلوم ہوا کہ انھوں نے 100 سال کی عمر میں جڑی بوٹیوں کی تعلیم حاصل کرنا شروع کی اس کے لئے انھوں نے چین کے بہت سے شہروں کا دورہ کیا ۔ جیسے کہ کانسو ، تبت ، انم ، سیام اور مانچوریا وغیرہ ۔ اس سے قبل 1749 میں انھوں نے فوج میں شمولیت اختیار کی ۔
فوج میں شامل ہونے کے بعد انھوں نے مارشل آرٹس کی تربیت دینا شروع کی ۔ ان کے گاؤں میں مشہور و قدیم روایت کے مطابق پڑھائی لکھائی کا بھی رواج عام تھااس لئے لی چنگ ین کو پڑھنا لکھنا بھی آتا تھا ۔
انھوں نے اپنی زندگی میں 233 کے قریب شادیاں کی اور ان کے بچوں کی تعد اد 200 سے زائد ہے ۔
ان کے علاقے کا سردار ان سے طویل العمری کا راز معلوم کرنے کے لئے انھیں اپنے گھر لے گیا ۔
جہاں انھوں نے اس کو بتا یا کہ لمبی زندگی حاصل کر نی ہے تو دو جانوروں اور ایک پرندے کی عادات اپناؤ ۔
انھوں نے بتایا سب سے پہلے اپنے دماغ کو پرسکون رکھو کیونکہ دماغ پرسکون رہے گا تو کوئی بھی بیماری حملہ آور نہیں ہو گی ۔
اس کے علاوہ دل کو پرسکون رکھو اور کچھوے کی طرح بیٹھو لیکن اپنے اندر کبوتر کی طرح پھرتی بھی رکھو ۔ اور اپنی نیند کتے کی طرح رکھو ، اس طرح تمہار ا دل و دماغ پرسکون رہے گا اور تم لمبی زندگی حاصل کرنے میں کامیاب ہو جاؤ گے ۔
بطور مسلمان اس بات پر ایمان رکھنا فرض کے بے شک زندگی اور موت کا ملک صرف اور صرف اللہ کی ذات ہے ۔ وہ ذات چاہئے تو ایک سانس بھی نا لینے دے اس دنیا میں اور اگر وہ چاہئے تو ہزاروں سال زندگی دے دے۔ یہ سب کچھ اس کے دائرہ اقتدار میں ہے ۔
