صدر مملکت کے اختیار میں بہت کچھ ہے وہ موجودہ حکومت کے بہت سے مسائل پیدا کر سکتے ہیں۔نجم سیٹھی
لاہور (اعتماد ٹی وی) مشہور اینکر پرسن و تجزیہ نگار نجم سیٹھی نے موجودہ حکومت کے حوالے سے تہلکہ خیز انکشافات کئے۔
ان کا کہنا ہے کہ موجودہ حکومت اقتدار کی زیادہ خوشی نہیں منا سکتی کیونکہ یہ اتنے کم مارجن سے اقتدار میں آئے ہیں کہ اگر صدر مملکت چاہیں تو ان کی حکومت کسی بھی وقت مسائل کا شکار ہوسکتی ہے۔
نجم سیٹھی نے کہا کہ اگر صدر مملکت چاہیں تو وزیراعظم کو دوبار اعتماد کے ووٹ حاصل کرنے کا کہہ سکتے ہیں۔
کیونکہ اپوزیشن کا اتحاد حکومت میں آنے کے بعد سے لڑکھڑا گیا ہے اور شہباز شریف کی حکومت 3 ووٹوں پر کھڑی ہے۔ اگر ایک دو لو گ اور نکل گئے تو شہباز شریف کے لئے مشکلات پیدا ہو سکتی ہیں۔
صدر مملکت وزیراعظم کو ہر مہینے اعتماد کا ووٹ لینے کا کہہ سکتے ہیں۔ کیونکہ سیاست کو گند ا کر دیا گیا ہے اور اس کو مزید گندا کرنے کے لئے کوئی بھی کچھ بھی کر سکتا ہے۔
اس کے ساتھ ساتھ نجم سیٹھی نے کہا کہ منحرف اراکین کے خلاف تاحیات نااہلی کا فیصلہ نہیں آئے گا بس پارٹی رکنیت معطل کر دی جائے گی۔
اور وہ د وبارہ انتخابات میں حصہ لے کر اسمبلی میں آجائیں گے۔ اس سے زیادہ عدالت اور کوئی فیصلہ نہیں دینے والی۔
