بجلی کی لوڈ شیڈنگ سے متعلق حامد میر کی موجودہ حکومت پر تنقید۔
اسلام آباد (اعتماد ٹی وی) پاکستان مسلم لیگ ن کی حکومت آتے ہی بجلی کی غیر اعلانیہ لوڈ شیڈنگ کا آغاز ہو گیا ۔ جس پر موجود ہ حکومت نے الزام سابقہ حکومت کو دیا کہ انھوں نے بجلی کے حوالے سے غلط فیصلے کیے جس کی وجہ سے آج ایسے حالات کا سامنا ہے ۔ شہباز شریف نے یکم مئی تک لوڈ شیڈنگ خاتمے کا حکم دیا تھا۔
بجلی کی موجودہ لوڈ شیڈنگ کے حوالے سے حامد میر نے بھی موجودہ حکومت کو تنقید کا نشانہ بنایا کہ پاکستان کے مختلف علاقوں میں بجلی کی غیر اعلانیہ لوڈ شیڈنگ جاری ہے اس کے ساتھ ساتھ گیس بھی نایاب ہو گئی ہے۔ عمران خان کی حکومت کو اقتدار سے گئے ہوئے کئی دن ہو گئے ہیں۔ پچھلی حکومت کو بُرا بھلا کہنے کی بجائے کچھ کام کریں۔
پچھلی حکومت کو بُرا بھلا کہنے سے عوام کو کیا ریلیف ملے گا جو عوام آپ کے ان بیانات پر خوش ہو ۔ عوام تو دیکھ رہی ہے کہ موجودہ حکومت نے دعویٰ کیا تھا کہ وہ اقتدار میں آتے ہی مسائل کا حل نکال لے گی لیکن ایسا ہوتا نظر نہیں آرہا ۔ عوام شہباز شریف کو نہیں شہباز سپیڈ کی منتظر ہے۔
