پاکستان میں آج عید الفطر کو جوش و جذبے سے منایا جا رہا ہے ۔
اسلان آباد (اعتماد ٹی وی) پاکستا ن میں کئی سالوں کے بعد رمضان المبارک کے تیس روزوں کے بعد عیدا لفطر منائی گئی۔ عید الفطر کو چھوٹی عید اور میٹھی عید بھی کہا جاتا ہے۔ مسلمانوں کے لئے یہ اللہ کا بالخصوص انعام ہے کہ رمضان کے عبادت والے اور رحمتوں والے مہینے کے بعد مسلمان عیدکا اہتمام کرتے ہیں۔
اس عید پر لوگ ایک دوسرے کے گھر جاتے ہیں ، ملتے ہیں اور خوشی سے اس دن کو مناتے ہیں۔ ملک بھر میں عید الفطر کے حوالے سے بڑے اجتماعات کئے جاتے ہیں جن میں ملک و قوم کے لئے بالخصوص دعائیں کی جاتی ہیں۔ ایسے اجتماعات کو بھرپور سیکیورٹی فراہم کی جاتی ہے۔
نماز عیدکی ادائیگی کے بعد تمام افراد ایک دوسرے سے عید ملتے ہیں اور اجنبیت کا فرق ختم ہو جاتا ہے ۔ عید پر لوگ فطرانہ ادا کر کے غریبوں کو بھی عید کی خوشیوں میں حصے دار بناتے ہیں۔ اس کے بعد اپنے فوت شدگان کی قبروں پر حاضری کےلئے پھول لے کر جاتے ہیں اور ان کی بخشش کی دعا کرتے ہیں۔
عید کے موقع پر صدر و وزیراعظم پاکستان کی جانب سے عوام کو مبارکباد دی گئی اور کہا کہ عید کا دن خوشیاں بانٹنے کا دن ہے اپنی خوشی میں غریبوں کو شامل کرکے حقیقی خوشی حاصل کریں۔یہی اسلام اور ہمارے پیارے نبیﷺ کا پیغام ہے۔
