سوشل میڈیا پر اپنے خلاف چلنے والے بیانات پر شاہد آفریدی نے خاموشی توڑ دی۔
لاہور (اعتماد ٹی وی) شاہد آفریدی کے خلاف گزشتہ کئی روز سے سوشل میڈیا سائٹس پر منفی بیانات گردش کر رہے ہیں۔ شاہد آفریدی نے ویڈیو جاری کی اور بتا دیا کہ عمران خان کے ساتھ یا مخالف کسی بھی قسم کی رائے کا حق رکھتا ہوں۔ میں ایک پاکستانی شہری ہوں اور سیاست سے ہٹ کر بات کرونگا۔
عمران خان میرے آئیڈیل ہیں ان کو دیکھ کر ہی میں نے کرکٹ کا آغاز کیا ہے اور 1992 کا ورلڈ کپ ہمارے لئے ایک اچھی یاد ہے جب عمران خان نے ورلڈ کپ جیتا۔ لیکن کرکٹ میں کسی کو پسند کرنے کا یہ مطلب نہیں ہے کہ آپ ان کو زندگی کے ہر مقام پر پسند کریں۔
شہباز شریف کو وزیراعظم بننے کی مبارکباد دینا کوئی بڑا گناہ نہیں ہے۔ وہ ایک عہدے پر آئے تو میں نے پاکستان کی خوشحالی کے لئے نیک تمنائیں دیں۔ اس پر مجھے تنقید کی جا رہی ہے کہ میں نے عمران خان کے خلاف ان کا ساتھ کیوں دیا؟
عمران خان جب حق پر ہوں گے میں ان کے ساتھ کھڑا رہوں گا۔ مسجد نبویﷺ میں پیش آنے والے واقع پر میں نے بات کی جو مجھے صحیح لگی۔ میں عمران خان کی پالیسی کے خلاف بات کرنے کا حق رکھتا ہوں اور کروں گا۔
