پھلوں کی نمائش میں امریکی کمپنی نے ریکارڈ بنا لیا۔
آن لائن (اعتماد ٹی وی) آج کل ہر ملک اور اس کے نوجوان کچھ نہ کچھ ایسا کرنے کی جستجو رکھتے ہیں کہ ان کا نام یاد رکھا جائے ۔
کوئی پہاڑیوں کو سر کر ر ہا ہے۔ کوئی اونچائیوں سے کو د رہا ہے۔ کوئی لفٹ کے ذریعے ملک بھر کی سیر کر رہا ہے۔ غرضیکہ ہر کسی کے پاس جدید آئیڈیاز ہیں اپنا نام گینز بک آف ورلڈ ریکارڈ میں شامل کروانے کے لئے۔
ایسا ہی امریکہ میں پھلوں کی نمائش کے دوران ہوا۔ امریکہ کی فروٹ کمپنی نے تمام تر پھلوں کو ملاکر ایک ایسا ڈسپلے بنایا کہ جس کا وزن 31 ہزار 700 کلو گرام تھا۔ امریکی کمپنی نے میڈیا کو بتایا کہ اس طرح کے ڈسپلے کے لئے ہمارے ملازمین کو پھل رکھنے میں تین دن لگے۔
پھلوں کو اس ترتیب سے رکھا گیا کہ ان کی خوبصورتی بھی نظر آئے اور ڈسپلے کسی بھی وجہ سے خراب نہ ہو۔ یہ امریکی کمپنی نے عالمی ریکارڈ بنانے کی غرض سے کیا ۔
ریکارڈ کے لئے گنیز کی جانب سے ایک سرکاری جج نے مارکیٹ کا دور کیا اور عالمی ریکارڈ کی تصدیق کر دی۔
کمپنی کی جانب سے کہا گیا کہ ریکارڈ کا اندراج ہوتے ہی اس ڈسپلے میں موجود تمام پھل خیرات کر دئیے جائیں گے۔ اس قبل برازیل کی کمپنی نے 41 ہزار پاؤنڈ وزنی پھلوں کا اسٹال 2016 میں لگایا تھا۔
