ترکی شہری کے پیٹ سے ایسا کیا ملا کہ گھر والے دنگ رہ گئے۔
آن لائن (اعتماد ٹی وی) انسان کو بھوک لگتی ہے تو وہ کھانا کھاتا ہے ۔ اکثر اوقات کچھ لوگوں کو گوشت پسند ہوتا ہے کچھ کو سبزیاں اور کچھ کو جنک فوڈ۔ لیکن ہر شخص اپنی پسند کے لحاظ سے خوراک استعمال کر کے اپنے پیٹ کی بھوک مٹاتا ہے۔
لیکن ترکی میں موجود ایک شہری نے اپنی بھوک کے دوران ایسی چیزیں کھا لیں جن کو تصور بھی محال ہے۔
بین الاقوامی ذرائع کے مطابق یہ عجیب واقعہ ترکی کے شہر ایپی کیولو میں سامنے آیا جہاں ایک شہری کو پیٹ میں شدید درد کی وجہ سے ہسپتال لایا گیا۔ ڈاکٹروں نے جب اس کے پیٹ کو اسکین کیا تو دیکھکر حیران رہ گئے کہ شہری کے پیٹ میں سکے ، بیٹریاں اور ناخن موجود ہیں۔
ترک شہری برحان دومیر اپنے چھوٹے بھائی کو پیٹ درد کی شکایت پر ہسپتال لائے تو ڈاکٹروں کی جانب سے دی گئی خبر پر حیران رہ گئے۔ میڈیکل رپورٹ میں یہ واضح لکھا گیا تھا کہ مریض کے پیٹ میں سکے بیٹریاں اور ناخن موجود ہیں جو کہ ایک باہوش شخص تو بالکل نہیں کھا سکتا۔
ڈاکٹروں نے مریض کا آپریشن شرو ع کیا اور کئی گھنٹوں کے لمبے آپریشن کے بعد اس شخص کے پیٹ سے 233 کے قریب اشیا ء نکالی گئیں ج میں ایک لیرا کے سکے ، بیٹریاں ، ناخن، شیشے کے ٹکڑے ، پتھر اسکرو اور مقناطیس شامل ہیں۔
