پری مون سون کی بارشوں نے بجلی کی کمی کو پورا کر دیا۔
اسلام آباد (اعتماد ٹی وی) پاکستان میں بجلی کا نظام بدحالی کا شکار ہے ۔ تیل کی قیمتوں میں اضافے کے بعد بجلی آئے روز مہنگی ہو نے کے باوجود دستیاب نہیں ہورہی۔
محکمہ موسمیات نے اس مرتبہ پری مون سون بارشوں کی پیش گوئی کی جس کے بعد 17 جون سے بارشوں کا آغاز ہو گیا۔
ذرائع کے مطابق اب اس مون سون کے سپیل کے ختم ہونے میں دو دن رہ گئے ہیں۔ اس کے بعد بارشوں کا یہ غیر معمولی سلسلہ رک جائے گا ۔ مون سون کی ان بارشوں نے بجلی کی طلب کو مکمل کرنے میں مدد دی۔
آخری سانسیں لیتا ہوا بجلی کا یہ نظام بہتری کی طرف گامزن ہے۔ بارشوں کی وجہ سے ملکی ڈیموں میں موجود پانی کی کمی ختم ہو گئی جس کی وجہ سے بجلی کی لوڈ شیڈنگ میں 3000 میگا واٹ تک کمی آ گئی۔ ڈیموں میں پانی بھی اسٹور کر لیا گیا ۔
اس کے ساتھ ساتھ جن جگہوں پر فصلوں کے لئے پانی کی کمی تھی وہ بھی پوری ہو گئی ۔
