قانون امیروں کے جوتے کی نوک پر اس کی واضح جھلک ایس ایچ او کے دفتر میں نظر آ گئی۔
قانون ہمیشہ غریبوں پر ظلم اور امیروں کی چاکری کرتا ہے اس کے بہت سے مثالیں موجود ہیں جہاں غریب خو د ہی اپنا معاملہ اللہ کے سپرد کرکے خاموش ہو جاتے ہیں اور بااثر افراد اپنے ساتھ سازش کرنے والے لوگوں کو پکڑ لیتے ہیں۔
اللہ کے رسول (ص) نے عدل کی بہت سی مثالیں قائم کی ہیں جن کو آج بس الفاظ کی شکل میں یا د رکھا جاتا ہے عمل سے اس کا کوئی تعلق نہیں ہے۔
ایسا ہی ایک واقعہ بہاولنگر کے تھانے میں پیش آیا ۔ جہاں ہارون آباد شہر کے ایس ایچ او کے دفتری کمرے
میں موجود بااثر افراد نے اپنی طاقت ایک عورت پر دکھائی ۔ تھانے میں ہونے والے واقعے کی ویڈیو نجی ٹی وی چینل نے حاصل کر لی ہے۔ جس میں دیکھا جا سکتا ہے ایک خاتون کمرے میں کھڑی ہے اور دو مرد کرسی پر ایس ایچ او کے سامنے بیٹھے ہیں جبکہ دو پیچھے کھڑے ہیں۔
خاتون ایک لیڈی ڈاکٹر ہیں اور ٹی ایچ کیو ہسپتال میں تعینات ہیں ان کا نام ڈاکٹر مریم حسین ہیں۔ ان کو تھانے میں خاوند سے ناچاکی کے سلسلے میں طلب کیا گیا تھا جہاں پر کسی بات پر اختلاف کے بعد وہاں موجود مردوں نے ایس ایچ او کے سامنے خاتون پر تھپڑوں کی بارش کر دی۔
جس سے خاتون گر گئی تو اس کو ٹھڈے مارے گئے ۔ ایس ایچ او نے اُٹھ کر ان کو روکنے کی کوشش کی اور دو آدمی پکڑ کر ان آدمیوں کو باہر لے گئے۔ پولیس کے مطابق واقعے کی رپورٹ درج کر لی گئی ہے۔ جلد کاروائی کی جائے گی۔
