میرے شوہر کے متعلق فضول گوئی سے پرہیز کریں ، دعا زہرہ۔
لاہور (اعتماد ٹی وی) دعا زہرہ کا کیس رمضان کے درمیان میں شروع ہوا تھا اور اب تک چل رہا ہے آئے روز ا سمیں نئے انکشافات ہوتے ہیں والدین اپنی بات سے پیچھے نہیں ہٹ رہے اور دعا بھی بدستور اپنی ضدپر قائم ہے ۔
چند روز قبل ایک یوٹیوبر زنیرا نے دعا کا انٹرویو کیا جس کو سب کی جانب سے کہا گیا کہ منصوبہ بندی کے ذریعے کیا گیا ہے۔ یو ٹیوبر زنیرا کو بھی اس سلسلے میں کافی تنقید کا سامنا کر نا پڑا لیکن وہ بھی سب کی طرح اپنی ضد پر قائم ہیں۔
دعا نے ایک بار پھر یوٹیوبر زنیر اکو انٹرویو دیا ہے اور کہا کہ جو جو یوٹیو بر میرے شوہر سے متعلق بیان بازی کر رہے ہیں وہ محتا ط رہیں اور اپنے کام سے کام رکھیں۔ میں نہ زبردستی لائی گئی ہوں نہ ہی مجھے قید کیا گیا ہے میں اپنی مرضی سے آئی ہوں یہ با ت میرے والدین کو بہتر پتہ ہے اور پہلے دن سے پتہ ہے۔
دعا نے مزید کہا کہ میرے شوہر کا تعلق کسی گینگ سے نہیں ہے ہمیں ہمارے حال پر چھو ڑ دیں۔ آپ لوگ میرے لئے کتنے پریشان ہیں مجھے سب علم ہے مجھے کسی کی ہمدردی کی ضرورت نہیں ہے۔ دعا نے اپنے والدین سے کہا کہ اب بس کر یں اور مجھے میرے شوہر سمیت قبول کر لیں۔
زنیرا کے ایک سوال پر کہ کسی نے یوٹیوب پر کمنٹ کیا کہ اگر آپ کی بیٹی بھی آپ جیسی ہوئی تو آپ کیا کریں گی اس پر دعا نے جواب دیا کہ میں اپنی بیٹی کی دوست بن کر رہوں گی تا کہ وہ باآسانی مجھ سے ہر بات کر سکے ایسی نوبت ہی نہ آئے۔
