لاہور ویمن یورنیورسٹی کی طالبہ کی اپنے آپ کو ختم کرنے کی کوشش ناکام
لاہور (اعتماد ٹی وی) زندگی ایک نعمت ہے اور انسان کا جسم اللہ کی امانت ہے جس کو اللہ تعالیٰ کو صحیح سلامت لوٹانا ہے اگر ایسے کسی اقدام کے ساتھ آپ اللہ کی طرف لوٹے تو حساب بہت مشکل ہو جائے گا ۔
لاہور ویمن یونیورسٹی کے فزکس ڈیپارٹمنٹ کی طالبہ نے یونیورسٹی کی تیسری منزل سے چھلانگ لگا دی۔
انتظامیہ کے مطابق طالبہ کے اس عمل کے پیچھے کیا وجہ تھی اس کے متعلق ہمیں کچھ علم نہیں ہے۔
یونیورسٹی کے ترجمان نے یہی بیان دیا ہے کہ وجہ نہیں معلوم ہو سکی کہ طالبہ کس ذہنی اذیت میں مبتلا تھیں کیا یہ ادارے سے متعلقہ تھی یا ذاتی نوعیت کی تھی۔ طالبہ کے اس اقدام کے متعلق والدین کو مطلع کیا گیا تو وہ فوراً یونیورسٹی آ گئے۔
پولیس نے واقعے کی تحقیقات کا آغاز کر دیا ہے اور ان کے اندازے کے مطابق گھریلو وجوہات و تنازعات کی وجہ سے یہ قدم اُٹھایا گیا ہے۔ طالبہ کو ایم ایس سروسز ہسپتال لے جایا گیا جہاں اس کی حالت کافی تشویش ناک تھی ڈاکٹروں کی محنت کی وجہ سے اب طالبہ خطرے سے باہر ہے۔
چھلانگ لگانے سے طالبہ کی ایک ٹانگ میں فریکچر آیا ہے اور جسم کے متعدد حصوں پر چوٹ بھی لگی ہے لیکن معجزاتی طور پر وہ بچ گئی ہے اور کوئی سیریس بیماری نہیں ہوئی اب طالبہ کا چیک اب نیوروسرجن کریں گے ۔
