لاہور(این این آئی) مسلم لیگ (ن) پنجاب کے صدررانا ثنا اللہ خان نے کہا ہے کہ آنے والے دونوں میں ارطغرل کا کردار پاکستان میں اپوزیشن ادا کرے گی،کورونا وائرس پر صورتحال کو حکومت نے بری طرح ہینڈل کیا۔ پیپلز پارٹی کی اے پی سی میں شرکت کے موقع پر میڈیا سے گفتگو کرتے ہوئے انہوں نے کہا کہ حکومت نے معیشت کی تباہی کر دی ہے اور حالات آج پوری قوم کے سامنے ہیں۔ انہوں نے کہاکہ شیخ رشید باخبر نہیں بلکہ شیطان صفت ہے،شیخ رشید جھوٹی خبریں اڑاتے رہتے ہیں۔ انہوں نے کہاکہ نیب کو سیاسی انجینئرنگ کیلئے استعمال کیا جاتا ہے،نیب کوئی ٹارزن کا کردار ادا کرنے نہیں جارہا۔
