وفاقی وزیر داخلہ شیخ رشید احمد نے بدھ کے روز بتایا کہ پاکستان نے 192 ممالک میں آن لائن ویزا کی سہولت بڑھا دی ہے۔
اسلام آباد ائیرپورٹ کا دورہ کرنے کے دوران میڈیا سے خطاب کرتے ہوئے شیخ رشید کا کہنا تھا کہ وزیر اعظم عمران کے حکم پر آن لائن ویزا سروس کا آغاز کیا گیا تھا اور وزیر اعظم نے ہدایت کی ہے کہ اس کے ذریعے ویزا جاری کرنے میں آسانیاں پیدا ہوں۔
وزیر داخلہ نے میڈیا کو بتایا کہ ای پاسپورٹ سروس جلد ہی شروع کی جائے گی جبکہ مزدوروں کے لئے پاسپورٹ کی میعاد کی مدت میں دس سال تک اضافہ کیا گیا ہے۔
مزید پڑھیے: پولیس کا بڑا کارنامہ، تحریک انصاف کی محنت رنگ لے آئی، پولیس نے نئی تاریخ رقم کر دی
شیخ رشید نے کہا کہ ملک بھر میں ایک ایکسپریس سروس کا آغاز کیا جارہا ہے جس کے تحت شہریوں کو پاسپورٹ کی ہوم ڈیلیوری فراہم کی جائے گی۔
انہوں نے بتایا کہ پاسپورٹ ہولڈرز کے پاسپورٹ کی میعاد ختم ہونے سے چھ ماہ قبل مطلع کرنے کے لئے آج (24 دسمبر) سے ایک ایس ایم ایس سروس بھی شروع کر دی گئی ہے۔
