اعتماد نیوز: اپریل 3، 2021 کو سماجی رابطہ کی ویب سائٹ پر ایک ٹرینڈ سب سے اوپر چل رہا ہے، جس میں یہ مطالبہ کیا جا رہا ہے کہ بورڈ کے امتحانات کو ملتوی کیا جائے۔
تفصیلات کے مطابق، اس ٹرینڈ کو استعمال کرتے ہوئے انٹرمیڈیٹ کے بچوں نے یہ مطالبہ کرنا شروع کیا ہے کہ بورڈ کے تمام امتحانات کو فوری طور پر ملتوی کیا جائے۔ اس مطالبہ کے بارے میں وضاحت دیتے ہوئے، یہ بتایا گیا کہ موجودہ کرونا کی بگھڑتی صورتحال کے پیش نظر امتحانات منعقد کروانا دانشوری نہیں ہوگی۔
کچھ طالب علموں کا کہنا ہے کہ صحت ہماری پہلی ضرورت ہے، اس لئے حفظان صحت پر عمل کرتے ہوئے کسی بھی قسم کا اجتماع کرونا کی موجودہ صورت حال کو اور بگاڑ سکتا ہے۔
جبکہ حکومت کی طرف سے ابھی تک اس بارے میں کوئی وضاحت سامنے نہیں آئی کہ امتحانات کے بارے میں کیا حکمت عملی اپنائی گئی ہے؟ اور کیا حکومت مناسب انتظامات کرتے ہوئے، ایس او پیز پر عمل کروا کے امتحانات لے گی یا پھر امتحانات کو عارضی طور پر پھر ملتوی کیا جائے گا؟
آپ کو بتاتے چلے کہ موجودہ کرونا کی صورتحال بگڑتی جارہی ہیں، جبکہ صوبہ پنجاب میں شادی ہال سمیت مختلف اجمتاعی جگہوں پر مکمل پابندی عائد کر دی گئی ہے۔
