پیر محمد عبد الوحید رضوی ایک کلمہ بیان کرتے ہیں جو ہم روز ادا کر رہے ہوتے ہیں اور اس کی فضیلت بیان کرتے ہیں وہ کلمہ ہے : الحمداللہ رب العالمین۔ یہ وہ آیت ہے جو ہر روز بولی جاتی ہے لیکن ہمیں اس کے اصل معنی سے واقفیت نہیں۔
پیر صاحب مزید بتاتے ہیں کہ ایک حدیث میں آتا ہے کہ سرکارِ دو عالم نے ارشاد فرمایا کہ ایک شخص کو اللہ نے ہر چیز عطا کی۔
اس نے اپنی نعمتوں کا شکر ادا کرتے ہوئے کہا کہ الحمداللہ رب العالمین۔ فرمایا گیا کہ اس کا یہ کلمہ اس کی ساری دولت سے اعلیٰ ہے۔ کیونکہ یہ دولت دنیا کا مال ہے اور یہ کلمہ ہمیشہ باقی رہنے والا ہے۔ دولت فانی اور یہ کلمہ ہمیشہ رہنے والا ہے۔
یہ ہی وہ خوبصورت کلمہ ہے جو ہم روز مرہ کی زندگی میں بولتے ہیں پر اس کی فضیلت ہمیں معلوم نہیں ہوتی۔
سرکار عالم فرماتے ہیں کہ جو بندہ سبحان اللہ، الحمد اللہ پڑھتا ہے تو زمین و آسمان میں جو کچھ بھی ہے اسے اس کے ثواب سے بھر دیا جاتا ہے۔ یہ دو کلمات اللہ کو اس قدر پیارے ہیں۔
