اسلام آباد (اعتماد نیوز ڈیسک) پاکستان کے وفاقی وزیر منصوبہ بندی اسد عمر نے کہا ہے کہ اسلام آباد میں دسمبر تک صحت سہولت کارڈ دے دیئے جائیں گے۔
یہ سہولت امریکہ میں بھی موجود نہیں ہے، اسد عمر کا دعوٰی، دسمبر تک اسلام آباد میں صحت سہولت کارڈ دینے کا اعلان
جبکہ ان کا دعوٰی ہے کہ ایسی سہولت امریکہ میں بھی موجود نہیں ہے۔ ویڈیو لنک کے ذریعے جلسے سے خطاب میں انہوں نے کہا کہ اسلام آباد میں نوکریوں میں 50 فیصد کوٹہ نوجوانوں کیلئے مختص کیا گیا ہے اور شہر میں پانی کا مسئلہ حل کرنے کیلئے جدو جہد جاری ہے۔
ان کا مزید کہنا ہے کہ ہم نے پنجاب حکومت کے تعاون سے 2 ملین گیلن پانی راول ڈیم سے لیا ہے اور شہر میں 100 نئے ٹیوب ویل لگ رہے ہیں، جبکہ اسلام آباد کے لیے 100 ایم جی ڈی پانی کا منصوبہ 6 ماہ میں شروع ہو جائے گا۔
