شارجہ (اعتماد نیوز ڈیسک) پاکستان کے شاندر
بلے باز آصف علی، جو کہ رواں ٹی ٹوئنٹی ورلڈ کپ شاندار کارکردگی دیکھا رہے ہیں، انہوں نے ایک اور اعزاز حاصل کرتے ہوئے آئی سی سی کے پلئیڑ اف دی منتھ بن گئے یعنی ائی سی سی کے اس ماہ کے سب سے اچھے کھلاڑی بن گئے ہیں۔
ورلڈ ٹی ٹونٹی مینز میں نیوزی لینڈ اور افغانستان کے خلاف میچز میں بائولرز کے چھکے چھڑانے والے پاکستان کے جارحانہ بیٹنگ کرنے والے پاکستان کے بلے باز آصف علی کو کرکٹ کی دنیا کے سب سے بڑے فورم انٹرنیشنل کرکٹ کونسل نے پلیئر آف دی منتھ کا اعزاز دیا ہے۔
انٹرنیشنل کرکٹ کونسل نے رواں ماہ کے لئے پلئیر آف دی منتھ کے لیے پاکستانی کرکٹر آصف علی کے ساتھ بنگلا دیش کے شکیب الحسن اور نمیبیا کے ڈیوڈ ویزے کو نامزد کیا تھا جبکہ تینوں میں سے کسی ایک کو منتخب کرنے کے لیے سوشل میڈیا پر رائے طلب کی تھی۔
ووٹنگ سوشل میڈیا پر ہوئی جس کے ذریعے آصف علی پلئیر آف دی منتھ قرار پائے گئے۔ آصف علی نے دو اہم میچوں میں قومی ٹیم کو کامیابی دلوانے میں اہم کردار اداکیا تھا اور افغانستان کے خلاف میچ میں تو ایک اوور میں چار چھکے لگا کر سات گیندوں پر 25 رنز بنائے تھے۔
جبکہ بھارت کے خلاف انہیں کھیلنے کا موقع نہیں ملا، شائقین نے اظہار کیا کہ کاش بھارت کے خلاف بھی آصف کھیلتے تو اور مزہ آتا۔
