اسلام آباد ( اعتماد ٹی وی ) حکومت مخالف تنظیموں کا متحد عوامی مارچ اپنی منزل کی جانب رواں دواں ہے ہر روز ایک نئے بیان کے ساتھ حکومت کو کچھ دنوں کی مہلت دی جار ہی ہے ۔ دنوں سے کم ہو کر یہ مہلت گھنٹوں پر مشتمل ہو گئی ہے۔ ہر رہنما کا بیان آتا ہے کہ ہمارے نمبرز پورے ہیں۔ فیصلہ قریب ہے۔
حکومت نے بھی اس سلسلے میں اقدامات کرتے ہوئے رابطے بڑھانے شروع کر دیے ہیں ۔ وزیراعظم کو مختلف پارٹیوں کے رہنما اپنے اقتدار کے لئے سوچنے پر مجبور کر رہے ہیں ۔ کوئی وزیراعظم کو سنجیدگی سے اس مسئلے کا حل نکالنے کا کہہ رہا ہے۔ کوئی اپنی پارٹی کو مضبوط کرنے کا مشورہ دے رہا ہے۔
آخر کار وزیر اعظم نے بھی اس تحریک سے متعلق خاموشی کو توڑ دیا ہے۔ تحریک انصاف کے سنئیر رہنماؤں کا اجلاس آج وزیراعظم کی زیر صدارت ہوا۔
اس اجلاس میں فرح حبیب، شفقت محمود، اسد عمر، شاہ محمود قریشی اور حماد اظہر سمیت قانونی ٹیم نے بھی شرکت کی۔ اجلاس میں تحریک عدم اعتماد کے حوالے سے بات چیت کے دوران رہنماؤں نے وزیر اعظم کو یقین دلایا کہ ہم نے اپنی تیاری کر لی ہے ۔ ہمار ا ہوم ورک مکمل ہے۔
وزیر اعظم عمران خان نے کہا کے تحریک عدم اعتماد کا مقدر ناکامی ہے۔ یہ تحریک پہلے بھی ناکام ہوئی تھی اب بھی ناکام ہو گی۔ اس تحریک کی ناکامی کے بعد حکومت مخالف تنظیموں کا حساب پورا کروں گا۔پنجاب کی موجودہ صورتحال پر بھی جلد از جلد قابو پا لوں گا۔
پارٹی کے ارکان پارٹی کے ساتھ ہیں۔ میں ایسی تحریکوں سے اور ایسے اوچھی حرکات سے گھبراتا نہیں۔ میں نے ایسے حالات کا سامنا پہلے بھی کیا ہے اور اب بھی بہتریہ کرونگا ۔ میں ایسا پلان تیا ر کر لیا ہے کہ یہ تحریک چاروں خانے چت ہو جائے گی اور ان کا اتحاد تسبیح کے دانوں کی مانند بکھرے گا ۔
